కస్యచిత్త్వథ కాలస్య కుశనాభస్య ధీమతః
జజ్ఞే పరమ ధర్మిష్టో గాధిరిత్యేవ నామతః
స పితా మమ కాకుత్స గాధిః పరమధార్మికః
కుశవంశప్రసూతోస్మి కౌశికో రఘునందన
కాలక్రమంలో కుశనాభునికి ధీమంతుడైన గాధి జన్మించాడు . రఘురామా ! ఆ గాధి నాకు తండ్రి . పరమ ధార్మికుడు . కుశుని వంశంలో జన్మించడం వలన నాకు కౌశికుడనే పేరు కలిగింది .
నా భావాలు :
ఫలపుష్పాదులతో పరిమళిస్తూ ఉన్న ప్రదేశాన్ని గురించిన కథ చెప్పమంటే విశ్వామిత్రుడు తన జన్మవృత్తాంతం చెప్పాడు . తన వంశానికి మూలం బ్రహ్మ దేవుడని , కుశుడు పుట్టిన వంశంలో పుట్టినందున తనను కౌశికుడని అంటారనీ చెప్పాడు . మన పూర్వీకుల పేర్లను పెట్టుకోవడం పరిపాటిగా వస్తున్న సంస్కృతి .