ప్రతిగృహ్య తతో స్త్రాణి ప్రహృష్టవదనః శుచిః
గచ్ఛన్నేన చ కాకుత్థ్సో విశ్వామిత్రమథా బ్రవీత్
గ్రహీతాస్త్రోస్మి భగవన్ దురాధర్షః సురైరపి
అస్త్రాణాం త్వహచ్ఛామి సంహారం మునిపుఙ్గవ
ఏవం బ్రువతి కాకుత్థ్సే విశ్వామిత్రో మహామునిః
సంహారం వ్యాజహారాథ ధృతిమాన్ సువ్రతః శుచిః
రామచంద్ర మూర్తి పవిత్రుడై విశ్వామిత్రుడిచ్చిన మహాస్త్రాలను స్వీకరించాడు . సవరక్షణార్థం మొదలుపెట్టిన ప్రయాణం సాగిస్తూ కౌశికునితో ” మీద్వారా నాకు మహాస్త్రాలు లభించాయి . ఇక దేవదానవులెవ్వరూ నన్ను జయించలేరు . నేను ధన్యత చెందాను . తమరు దయతో నాకు ఈ అస్త్రాలను ఉపసంహారం చేసే పధ్ధతిని నేర్పించండి ” అని వినయ విధేయతలతో కౌశికుణ్ణి కోరాడు . ప్రియమైన శిష్యుడు కోరిన వెంటనే ప్రీతితో అస్త్రాలను ఉపసంహరించడానికి వలసిన మంత్రాలను రామలక్ష్మణులకు ఉపదేశించాడు విశ్వామిత్రుదు .
మనదేశంలో గురువు కిచ్చే గౌరవం అపారం . గురువులు శిష్యులయెడ చూపే వాత్సల్యం కూడా తక్కువేమీ కాదు . విద్యలు నేర్పించడమే కాదు , శిష్యుల మనసులో మెదిలే ప్రశ్నలకు సమాధానం చెప్పగలిగే శక్తి వారికి ఉండేది . మధురమైన శబ్దజాలంతో శిష్యుల కర్థమయ్యే విధంగా ఉపదేశించేవారు . శిష్యులలో విద్య నేర్చుకోవాలనే కోరిక కలిగించేవారు .
నేర్చుకోవాలని ఉన్న సమయంలోనే నేర్పించే వారు . శిష్యులు నేర్చుకోవాలని అనుకునే విద్యలను మాత్రమే నేర్పించేవారు . అస్త్రవిద్యలను గ్రహించిన రాముడు , వాటి ఉపసంహారాన్ని నేర్చుకోవాలని అడిగితే , ఆనందంగా రామునికి నేర్పించాడు , అపరిమిత తేజస్కుడు కౌశికుడు .
గురు శిష్యుల అనుబంధం విద్యావృధ్ధికి కారణం . ఆ విద్యల కారణంగానే అయింది భారత దేశం , ఆ కాలంలో ప్రపంచానికి తలమానికం .
17.288696
78.604046
జపతస్తు మునేస్తస్య విశ్వామిత్రస్య ధీమతః
ఉపతస్థుర్మహార్హాణి సర్వాణ్యస్త్రాని రాఘవం
ఊచుశ్చ ముదితాః సర్వే రామం ప్రాఞ్జలయస్తదా
ఇమే స్మః పరమోదారాః కింకరాస్తవ రాఘవ
ప్రతిగృహ్య చ కాకుత్సః సమాలభ్య చ పాణినా
మానసా మే భవిష్యధ్వమితి తానభ్యచోదయత్
తతః ప్రీతమనా రామో విశ్వామిత్రం మహామునిం
అభివాద్య మహాతేజా గమనాయోపచక్రమే
అస్త్రాలు రాముని కివ్వడానికి విశ్వామిత్ర మహర్షి ఆ అస్త్ర మంత్రాలను జపించాడు . మహర్షి చేత జపించబడడానికి అర్హత కలిగిన ఆ అస్త్రాలు రాముని చేరి అతనిని సేవించడం మొదలు పెట్టి , రఘురామా ! ఇక నుండి మేమందరము నీ కింకరులము , నీ ఆజ్ఞానువర్తులము అని పలికాయి . ఆ విధంగా పలికిన ఆ అస్త్ర దేవతలను స్పృశించి ” మీరు ఇకనుండి నా మనసులో నిలిచి ( తలచినప్పుదు సహాయానికి రావలసిందని ) , ఉండమని ” కోరాడు .
అస్త్రాలను గ్రహించిన రామచంద్రుడు సంతోషంతో విశ్వామిత్రునికి అభివాదం ( నమస్కారం) చేసి , ప్రయాణానికి సిధ్ధమయ్యాడు .
17.288696
78.604046
తామసం నరశార్దూల సౌమనం చ మహాబల
సంవర్ధం చైవ దుర్ధర్షం మౌసలం చ నృపాత్మజ
సత్యమస్త్రం మహాబాహో తథా మాయాధరం పరం
ఘోరం తేజప్రభం నామ త్వష్టురస్త్రం సుదామనం
దారుణం చ భగస్యాపి శితేషు మథ మానవం
నరశార్దూలుడవైన రఘుకుల తిలకా ! తామస సౌమనాస్త్రాలను , సంవర్ధాస్త్రాన్ని ,మౌసలాస్త్రాన్ని , సత్యాస్త్రాన్ని , మాయాధరాస్త్రాన్ని , శత్రువుల తేజాన్ని అపహరించే తేజః ప్రభ అనబడే అస్త్రాన్ని , సోమదేవతకు సంబంధించిన శిశిరాస్త్రాన్ని , సుదామాస్త్రాన్ని , భగమహర్షికి చెందిన శితేషువును ,మానవాస్త్రాన్ని గ్రహించు.
ఏతాన్ రామ మహాబాహో కామరూపాన్ మహాబలాన్
గృహాణ పరమోదారాన్ క్షిప్రమేవ నృపాత్మజ
స్థితస్తు ప్రాఙ్ముఖో భూత్వా శుచిర్మునివర స్తదా
దదౌ రామాయ సుప్రీతో మంత్రగ్రామమనుత్తమం .
సర్వసంగ్రహణం యేషాం దైవతైరపి దుర్లభం
తాన్యస్త్రాణి తదా విప్రో రాఘవాయ న్యవేదయత్
నేను నీకొసగే అస్త్రాలు మిక్కిలి బలంతో కూడుకొన్నవి . ఇష్టమైన రూపాలు ధరించే సామర్థ్యం గలవి . చాలా గొప్పవి . ఈ అస్త్రాలను ఆలశ్యం చేయకుండా గ్రహించు అని పలికి విశ్వామిత్ర మహర్షి పూర్వాభి ముఖుడై ( తూర్పు దిశగా తిరిగి ) , పరిశుధ్ధుడై (ఆచమనం చేస్తే పరిశుధ్ధత లభిస్తుంది ) , ప్రసన్న చిత్తంతో అస్త్రమంత్రాలను రామునికి ఉపదేశించాడు .
ఇటువంటి అపారమైన మహిమగల అస్త్రాలను పొందడం దేవతలకు కూడా దుర్లభమట . ఏవిధమైన దాపరికం లేకుండా వేలకొలది సంవత్సరాలు తపస్సు చేసి , ఆ తపశ్శక్తితో సంపాదించిన అస్త్రాలను రాముని పరం చేసాడు విశ్వామిత్రుడు . శిష్యులమీద నిజమైన గురువులకు అపారమైన ప్రేమ కదా ! అందులో తన యజ్ఞాన్ని సఫలంగా నిర్వర్తించడానికి సహాయం చేయడానికి వచ్చిన శిష్యుడు కదా ! తేజశ్శాలి , తపోమూర్తి , పట్టుదలకు మారుపేరు , తలపెట్టినదానిని సాధించకుండా వదలిపెట్టని మహనీయుడు , మనందరికీ ఆదర్శపురుషుడు అయిన ఆ మహనీయునికివే శత సహస్ర వందనాలు .
17.288696
78.604046
గాంధర్వమస్త్రం దయితం మానవం నామ నామతః
ప్రస్వాపనప్రశమనే దద్మి సౌరం చ రాఘవ
దర్పణం శోషణం చైవ సంతాపనవిలాపనే
మదనం చైవ దుర్ధర్షం కందర్పదయితం తథా
పైశాచమస్త్రం దయితం మోహనం మామ నామతః
ప్రతీచ్ఛ నరశార్దూల రాజపుత్ర మహాయశః
మైకాన్ని కలిగించే గాంధర్వాస్త్రాన్నీ , మైకాన్ని తొలగించే మానవాస్త్రాన్నీ వెలుగునిచ్చే సౌరాస్త్రాన్నీ , దర్పణ , శోషణ, సంతాపన , విలాపనాస్త్రాలను నీకిస్తాను . ( శత్రువుల దర్పాన్ని తొలగించేది దర్పణాస్త్రం , శోష తెప్పించేది శోషణాస్త్రం , దుఃఖాన్ని కలిగించేది సంతాప నాస్త్రం , బాధతో ఏడ్పించేలా చేసేది విలాప నాస్త్రం) . మన్మథునికిష్తమైన మదనాస్త్రం , పిశాచాలకు ఇష్టమైన మోహనాస్త్రం ఇక నీవి .రాఘవునితో ఈ అస్త్రాలను గ్రహించమన్నాడు మహామహితాత్ముడు కౌశికుడు .
17.288696
78.604046
వైద్యాధరం మహాస్త్రం చ నందనం నామ నామతః
అసిరత్నం మహాబాహో దదామి చ నృపాత్మజ
వైద్యాధర మనే మహాస్త్రాన్నీ , నందకమనే అత్య్త్తమమైన ఖడ్గాన్నీ నీ పరం చేస్తాను .
విష్ణుమూర్తి పంచాయుధాలలో నందక నామంతో విలసిల్లేది ఖడ్గం . రాముని ఖడ్గా న్నే తిరిగి రామునికి ప్రసాదించాడేమో మహానుభావుడు విశ్వామిత్రుడు ( రాముడు విష్ణు మూర్తి అంశ ) . విష్ణుమూర్తి ఆయుధమై న నందకాన్ని స్తోత్రం చేయడం పుణ్యదాయకం . పంచాయుధ స్తో త్రంలో నందకం ఈ కింద చెప్పిన విధంగా స్తు తి ంచబడ్డది .
రక్షోసురాణాం కఠినోగ్ర కంఠ
చ్ఛేద క్షరక్షోణిత దిగ్ధధారం
తం నందకం నామ హరేః ప్ర దీప్తం
ఖడ్గం సదాహం శరణం ప్ర దీప్తే .
17.288696
78.604046
అస్త్రం హయ శిరోనామ క్రౌఞ్చ మస్త్రం తథైవ చ
శక్తిద్వయం చ కాకుత్స దదామి తవ రాఘవ
కఙ్కాళం ముసలం ఘోరం కాపాలమథ కంకణం
ధారయంత్యసురా యాని దదామ్యేతాని సర్వశః
కాకుత్సా ! హయశిరస్సు అనబడే అస్త్రాన్నీ , క్రౌంచాస్త్రాన్నీ కూడా నీ వశం చేస్తాను . వాటితోబాటు రెండు శక్తులను నీకిస్తాను .
రాక్షసులుపయోగించే అస్త్రాలు : కఙ్కాళము , ముసలము , కపాలము , కంకణము మొదలగువాటిని కూడా నీకిస్తాను .
శత్రువులుపయోగించే అస్త్రాల గురించి తెలుసుకోవడం , వాటిని తమ అమ్ములపొదిలో చేర్చుకోవడం ముఖ్యం . శత్రువుల ఆయుధాలూ , వాటికంటే మేలైన ఇతర ఆయుధాలూ కలిగి ఉండడం యుధ్ధంలో విజయకేతనాన్ని ఎగురవేయడానికి సహకరిస్తాయి . అందుకే రాక్షసుల ఆయుధాలను శ్రీరాముని వశం చేయడానికి నిశ్చయించుకున్నాడు విశ్వామిత్రుడు .
17.288696
78.604046
ఆగ్నేయమస్త్రం దయితం శిఖరం నామనామతః
వాయవ్యం ప్రథనం నామ దదామి చ తవానఘ
శిఖరమనే పేరుగల ఆగ్నేయాస్త్రాన్నీ , ప్రథన అనే పేరుగల వాయవ్యా స్త్రాన్నీ కూడా నీకు ఇస్తాను . దోషాలు దరిజేరని రఘురామా ! శిఖరం అగ్నిదేవునికి ఇష్టమైన అస్త్రం .
ఈ అస్త్ర మంత్రాలు ఈ రోజున కూడా లభ్యాలు . ఉదాహరణకు వాయవ్యాస్త్రం వశపడాలని కోరుకునే వారు ” అస్య శ్రీ వాయవ్యాస్త్ర మంత్రస్య బ్రహ్మా ఋషిః గాయత్రీ ఛందః మహాభూతో వాయుర్ దేవతా – యాం బీజం -యాం శక్తిః –యాం కీలకం — వాయవ్యాస్త్ర ప్రయోగే వినియోగః ” అని సంకల్పించి , తగిన అంగన్యాస కరన్యాసాలు కావించి , అస్త్రాయ ఫట్టనే మంత్రంతో దిగ్బంధించి
కృష్ణవాహమధిరుహ్య యాయినం
భుజైశ్చతుర్భిః జగదాది కారణం
దేవాదిదేవం సకలారిషూదనం
చైతన్య రూపం ప్రణమామి వాయుం
అని వాయుదేవుణ్ణి ధ్యానం చేసి
” ఓం ! ఆవాయ వ్యయా వాయవ్యోమా వాయ వ్యయావాయ వ్యోమా వాయవ్యయా వాయవ్యోం ఇతి ” అనే వాయవ్య మంత్రాన్ని మూడు వారాలు జపించాలి .
గురుముఖతః ఈ మంత్రాని అభ్యసించి , త్రికరణ శుధ్ధితో జీవించి , నియమయుక్తంగా జపించే మనిషికి మాత్రమే వాయవ్యాస్త్రం వశమవుతుంది . అస్త్రాలు వశపడాలంటే సత్ప్రవర్తన అవసరం . మంత్రాన్ని బోధించే సద్గురువులూ , లోకకళ్యాణమే ధ్యేయంగా కలిగిన శిష్యులూ కరువయ్యారు .
17.288696
78.604046
అశనీ ద్వే ప్రయచ్ఛామి శుష్కార్ద్రే రఘునందన
దదామి చాస్త్రం పైనాకమస్త్రం నారాయణం తథా
రామునికి ప్రసాదించిన అస్త్రాలలో రెండు పిడుగుల పేర్లు చెప్పబడ్డాయి . ఒకటి శుష్కము . రెండవది ఆర్ద్రము . శుష్కమంటే ఎండిపజేసేదనీ , ఆర్ద్రమంటే తడిపేదనీ అర్థం . భయంకరమైన మేఘాలను సృష్టింపజేసే మంత్రాలివి . పృకృతిని వేడెక్కించి , వాతావరణాన్ని ఎండిపోయేలా చేసి , మెరుపులతో శత్రువులను భయభ్రాంతులను చేసి లొంగదీసుకునే అస్త్రమొకటైతే , అంతులేని వర్షంతో భూమిని తడిపి , వరదలను సృష్టించి శత్రుసంహారం చేసే అస్త్రమింకొకటి . ఈ పిడుగును ” క్లౌడ్ బర్స్ట్ ” సృష్టించే అస్త్రమని అని అనుకోవచ్చునేమో .
ఇవే కాక పైనాకమనే అస్త్రాన్నీ , నారాయణాస్త్రాన్నీ మంత్ర సహితంగా రామునికిచ్చాడు విశ్వామిత్రుడు . పినాకపాణి అంటే శివుడు . అతని అస్త్రం పైనాకాస్త్రం . పినాకమని శివుని వింటికీ , త్రిశూలానికీ పేరు . మట్టితో కూడిన వానకు కూడా పినాకమని పేరు .
17.288696
78.604046
గదే ద్వే చైవ కాకుత్స మోదకీ శిఖరీ ఉభే
ప్రదీప్తే నరశార్దూల ప్రయచ్ఛామి నృపాత్మజ
ధర్మపాశమహం రామ కాలపాశం తథైవచ
పాశం వారుణమస్త్రం చ దదామ్యహమనుత్తమం
నరులలో ఉత్తముడవైన రఘురామా 1 కాంతితో ప్రజ్వలిస్తున్న మోదకి , శిఖరి అనబడే రెండు గదలను నీకు ప్రసాదిస్తాను . ధర్మపాశాన్ని , కాలపాశాన్ని , వారుణ పాశాన్ని , ఉత్తమమైన వారుణాస్త్రాన్నీ కూదా నీకు దత్తం చేస్తాను.
విశ్వామిత్రుడు రామునికిస్తానన్న అస్త్రాలు వివిధ రకాలు . అన్ని రకాల ఆయుధాలు ప్రస్తుతం ఉన్నాయా అన్న అనుమానం రాక మానదు . ప్రతి అస్త్రానికీ పేరు పెట్టడం కూడా కష్టమైన పనే .
17.288696
78.604046
దణ్డచక్రం మహద్దివ్యం తవ దాస్యామి రాఘవ
ధర్మచక్రం తతోవీర కాలచక్రం తథైవచ
విష్ణుచక్రం తథాత్యుగ్ర మైంద్రమస్త్రం తథైవచ
వజ్రమస్త్రం నరశ్రేష్ఠ శైవం శూలవరం తథా
అస్త్రం బ్రహ్మశిరశ్చైవ ఐ షీకమపి రాఘవ
దదామి తే మహాబాహో బ్రాహ్మమస్త్రమనుత్తమం
విశ్వామిత్ర మహర్షి తను రామచంద్రునకు ఇవ్వదలచిన అస్త్రాలను వివరిస్తున్నాడు . “గొప్పవైన భుజస్కంధాలతో వర్ధిల్లుతున్న రఘురామా ! దణ్దచక్రం , ధర్మచక్రం , కాలచక్రం విష్ణుచక్రం అనబడే చక్రాలనూ , ఐంద్రాస్త్రాన్నీ , వజ్రాస్త్రాన్నీ , ఐషీకాస్త్రాన్నీ , బ్రహ్మశిరోనామకాస్త్రాన్నీ , అన్నిటికన్నా మిన్న అయిన బ్రహ్మాస్త్రాన్నీ , పరమ శివుని ఆయుధమైన శూలాన్నీ కూడా నీకు ప్రసాదిస్తాను “.
మహర్షి అందించిన ఈ మహాస్త్రాల మంత్రాలు మనకు ఈ రోజు కూడా లభ్యం . అయితే ఉపాసనా విధానాలు గురుముఖంగా నేర్చుకునే అవకాశం లేదు . నేర్చుకునే సామర్థ్యం కలవారూ , నేర్పించడానికి విషయం తెలిసిన మహనీయులూ మనకు కరువయ్యారు .
SUDARSANA CHAKRA
Taken from : http://devoteesvaishnavas.blogspot.in/2011/07
17.288696
78.604046
RAMAYANAMU 